結婚廿周年任達華3鑽石冧妻
影帝任達華與太太琦琦昨日結婚廿周年，可惜卻要分隔兩地，琦琦與女兒正身在瑞士滑雪，而任達華則留港拍戲。不過，琦琦甜笑表示自己有個好老公，每日都過得很開心，每日也是結婚周年。
不同形狀 各有含意
雖然未能在正日慶祝，但任達華非常有心思，早為愛妻送上三粒不同形狀的鑽石作禮，琦琦說：「分別係圓形、心形同方形，佢話想我每個形狀都有。三粒代表我哋一家三口，圓形代表一家人團圓、完美；心形就代表可愛嘅囡囡，以後大咗，可以轉送心形鑽石畀佢；方形就代表我嘅個性，四四方方、黑白分明，好有創意。本來我諗住帶埋鑽石去歐洲，不過都係唔好，因為歐洲亂亂哋，但諗起都好Sweet。」
而琦琦則表示送了由她親自設計、獨一無二的鑽石十字架頸鏈給老公，寓意十全十美。兩公婆平日對結婚周年表現低調，但有感廿周年特別有意義，故琦琦昨日專程在社交網上載恩愛合照放閃，並留言：「Happy Anniversary！和你在一起的每一個定格都是自然美好的！」琦琦又開心地說：「呢輯相好浪漫，又有桃花，同周年紀念好配合。」任達華必定冧爆。
文：名人組