何紫綸抽獎攞尾彩
藝人陸詩韻（Sharon）及何紫綸（Ann）日前到尖沙咀出席慈善晚宴，兩人均以露背晚裝示人，盡展性感優雅一面。Ann表示年尾行尾運：「之前參加咗幾個唔同嘅晚宴，好好彩幾次都抽到獎，獎品當中都有平板電腦，係啲實用嘅禮物，我覺得自己好好運，好希望可以將呢種好運延續到2018年！」
至於Sharon則說：「除咗呢個慈善晚宴，遲啲我都會為一個關於抑鬱症嘅活動做司儀，自己都試過有情緒困擾，睇醫生就話我唔係抑鬱，只係諗嘢比較負面！（試過因情緒問題傷害自己？）咁我又唔會鎅手，或者輕生，我只係因為工作同感情諗唔通，成日唔開心，所以都想幫到受情緒困擾嘅朋友，走出陰霾。」