單身陳圓圓過節陪病犬

藝人陳圓圓日前參與「第五屆香港珠寶小姐競選總決賽」晚宴，以一襲綠色的低胸魚尾裙上陣配合首飾，高貴性感。圓圓表示過往聖誕都會出外旅行，但因要照顧患病的愛犬，故今年留港度過：「屋企人坐郵輪去旅行，本來預咗我，但我都去唔到。」提到最難忘的聖誕，圓圓稱記得多年前跟十多名閨蜜齊齊度過平安夜：「事隔咁多年，佢哋全部都結晒婚，得我一個係單身，既然命運係咁安排，我惟有努力工作。（唔係努力搵個真命天子？）我好想咁講o架，但人哋話天機不可洩，怕講咗更加搵唔到。其實好多年前有個台灣好出名嘅相士，寫咗啲嘢畀我，我睇番覺得好多嘢冥冥中自有安排，所以感情事隨緣啦！」