關宛珊秘嫁Patrick Sir

藝人關宛珊被指與《東張西望》主持兼男友Patrick Sir（林溥來）好事近，不過她大爆原來二人已經成婚！她說：「其實都結咗婚成年o架啦，不過一切從簡，只係喺關島註冊，想低調啲，所以冇擺酒，只係家人食餐飯。」談到求婚過程，她指Patrick Sir相當搞笑，當時二人在墨爾本一個沙灘，他古古怪怪的叫她不要落水，令她有點忟憎：「然後佢喺水中、泳褲入面拎隻戒指出嚟求婚，我真係好Surprise、好感動，都喊晒，好彩冇咩人見到！」而二人早前赴澳洲影婚照。