藝人陳偉琪（Vicky）昨日為寵物節目錄影，並與貓咪合照。她表示小時候對貓毛過敏，試過抱貓後眼腫，長大後亦沒時間照顧寵物：「其實我好想養，但未必有時間全程照顧，等我遲啲工作定落嚟再養。（如果畀你揀，想養咩寵物？）我比較喜歡狗，要大隻嘅，安全感大啲。如果貓嘅話就想要肥嘟嘟，好似加菲貓咁，性格亦要冇咁傲慢嘅。」
此外，她透露之後播映的劇集都沒露肉情節：「睇劇情需要，近期拍緊嘅戲都唔使性感，最近嘅《愛‧回家之開心速遞》唔使露肉又有戲做，監製叫我唔使姣。」
