丁羽唏噓:真係傷心!

資深配音員、藝人丁羽跟井莉爸爸井淼是好朋友,但因老友多年前已離世,所以跟井莉都鮮有聯絡,回想以前,丁羽大感唏噓:「我仲記得井莉入邵氏嘅時候,仲係十七、八歲妹妹仔,好活潑、好開朗,聽到呢個消息真係好心痛,呢排實在太多人走咗喇,真係好傷心!」

邵音音難忘「開心果」

邵音音對於井莉離世,直言有收到消息,雖然大家不是同期邵氏藝人,但因為住得近,所以認識,早幾年會有茶敍、唱K:「當年大家都住九龍塘,仲要住得好近,佢成日嚟我屋企唱卡拉OK。」

談到井莉的為人,邵音音讚她是一個非常活躍的人:「佢係一個好活潑嘅人嚟,講嘢仲好笑過我,我已經講嘢好好笑o架啦!」邵音音還指對方說話時陰聲細氣,十分斯文,但性格則與她相像,都是「開心果」希望令人開心!

劉永讚「最佳拍檔」

曾與井莉合作多部邵氏電影的劉永,對於井莉離世大表心痛,他說:「我哋第一部合作嘅戲,應該係《流星蝴蝶劍》,導演係楚原,我同井莉係男女主角,後來因為邵氏杯葛嘉禾人,我就冇拍落去。但同年我同井莉有第二啲戲嘅合作,之後仲一齊拍過唔少戲添!」劉永大讚井莉性格非常之好,是一個大好人,於片廠拍戲,永遠都有說有笑,不會板着塊面黑口黑面,是一位很好的拍檔。對於近年那麼多邵氏藝人離世,劉永深表哀痛,直言:「真係好唔開心!」