胡定欣悼「慈父」江漢讚善良易話為
甘草演員江漢（原名姜永明）日前離世，終年78歲。與他合作過的視后胡定欣及數十年好友劉江也感愕然。14年前於無綫劇集《衝上雲霄》與江漢演父女的定欣，昨日指江漢乃公仔箱生涯的首個爸爸，還大讚對方為人善良、文靜兼容易話為，她說：「當時拍攝氣氛好好，佢係一個合作得好開心嘅前輩，但都有好一段時間冇喺公司見到佢，對佢嘅離世覺得可惜。」
豪爽愛飲酒
劉江則表示一直知老友有病，對上一次見面特別駕車從天水圍接載江漢出外與老朋友聚會，問到是否未能接受好友死訊？他說：「佢身體係唔係咁好，但未至於咁突然，同佢識咁多年，印象最深係佢為人豪爽同鍾意飲酒。」更指與江漢太太熟落，但暫不欲致電打擾對方。另一位好友羅樂林則透露與江漢已有一年多沒有見面：「知佢有糖尿病，打畀佢都話唔願意出嚟，可能坐輪椅唔方便。（江漢生前鍾意飲酒？）都鍾意，人生係咁，大家都明白，都幾難戒嘅。」
古天樂感惋惜
而曾與江漢合作拍攝無綫劇集《烈火雄心》的古天樂表示，收到消息後感到惋惜，印象中對方是位慈祥的爸爸，會把美好回憶深深印在腦海中。至於宣萱、李珊珊、歐陽震華等亦有於網上悼念。另外，馬浚偉昨日主持電台節目時，表示曾與江漢合作，私底下非常要好，又稱江漢是一位很值得學習的前輩。
文：影視組