周董門票火速沽清黃牛飛叫價過萬
台灣天王周杰倫（周董）於明年3月15至19及21日舉行6場《周杰倫地表最強2世界巡迴演唱會-香港站》，門票昨日早上10時公開發售。早上9時45分，已有大批歌迷分別在文化中心、紅館及尖沙咀通利琴行排隊買飛，排頭位依然是南亞裔人士。據知，開售15分鐘大部分門票已被掃光，有歌迷早上9時許到達通利琴行排隊，但去到售票處時已一票難求。到10時20分，有工作人員跟排隊歌迷表示門票已售罄。
粉絲呻無奈
接受訪問的龐先生表示，慶幸有家人幫忙在早上7時許到達琴行排隊，但很可惜買不到$1180的門票，只能退而求其次買$780的門票，自爆上一次睇周董演唱會，要捱貴價黃牛飛，他說：「四千幾蚊一張，買咗兩張，成四倍價錢，好彩係第三行，所以今次買到飛都好少少。」此外，陳小姐透露每次睇周董演唱會都要買黃牛飛，所以今次亦非常失望：「今次上網睇最貴嘅炒飛要去到一萬蚊一張，不過今次諗住放棄，次次都買唔到飛！」
文、攝：音樂組