張家輝 吳鎮宇輪流窒古仔縫三針小兒科

由樂易玲及劉偉強監製、文偉鴻執導電影《使徒行者2諜影行動》，前晚在九龍灣舉行盛大首映禮，眾多台前幕後捧場，包括馬德鐘、袁偉豪、陳山聰、王君馨、張寶兒及江嘉敏等，場面熱鬧。

古仔敷面膜讓賽

首映禮上，古仔、家輝及鎮宇妙語連珠，現場氣氛熱烈。談到在緬甸拍攝多場動作戲份，家輝與古仔同聲表示不辛苦，但古仔自爆拍攝最後一場戲時不慎受傷：「嗰場爆炸戲講我跌落地，但右手撳咗落啲玻璃碎度，不停流血，因為驚傷到神經線，結果縫咗三針。」鎮宇聞言即揶揄他：「三針就唔好講，我拍鋸扒戲都傷咗手指尾，要縫兩針啦！」之後到家輝搞爛Gag：「我冇縫針，只有Jump樓梯戲啫！（喺西班牙拍外景，曬到好黑？）我要追住古仔嘛！點知喺太陽下係咁曬都仲係低佢兩度。」古仔笑說：「我冇曬燈，就番佢，仲狂敷面膜添！」

古天樂（右起）、張家輝及吳鎮宇鬥嘴放笑彈。	晒背搶鏡的王君馨，自爆為馬德鐘的眼神着迷。	呂慧儀（左）及馮盈盈（右）畀面撐《使徒2》監製樂易玲。

談到10月開個唱的歌手謝安琪指身邊朋友只想買古仔做嘉賓的場次，問到屆時會否助陣？古仔說：「我唔知呀！嗰日好似有特別嘢做。（田蕊妮開騷又想搵你做嘉賓喎！）我真係唔知。」鎮宇聞言又插嘴：「我個音樂劇都差一個人，古仔客串一、兩場啦！（係咩角色？）唔知，要睇『是日餐單』，所以謝安琪、田蕊妮唔好問住，其實音樂上面都會有明爭暗鬥o架！」

江嘉敏（左起）、鄧佩儀及張寶兒省鏡亮相。

袁偉豪請假陪女友張寶兒去西班牙開工。

袁偉豪西班牙蜜月

此外，有份參演《使徒2》的張寶兒與袁偉豪拍拖到場，劇組在西班牙取景時，袁偉豪雖然沒戲份，但都特別請假做「跟得男友」，他說：「我本身未去過嗰邊，咪順便了解吓啲製作囉！女友拍完之後，我哋都留喺當地一星期去玩。（睇結婚場地？）結婚未必揀西班牙，但蜜月就會，因為嗰邊天氣好乾爽、好寫意。」他又談到在緬甸有一場於直升機上拍攝的槍戰戲，大呼危險，因為直升機沒機門，就連扣在身上的安全帶亦移位！問寶兒可知男友拍攝危險動作戲？她說：「我唔知，聽到都驚，但佢不嬲都安全嘅！」袁偉豪即搞笑說：「啲錢唔易賺o架！」