黃芷晴爆男友見家長尷尬

黃日華女兒黃芷晴與歌手蔚雨芯前晚現身腕錶活動，黃芷晴表示會留港慶祝聖誕節：「我約咗男友同佢家姐一齊食聖誕大餐。（你同男友家姐好熟？）大家都鍾意扮靚，我同男友父母都相處得幾好，因為我屋企比較嚴，佢哋屋企比較輕鬆啲。（男友見到你爸爸會唔會好緊張？）之前比較尷尬啲，佢好緊張，有時想撩我爸爸講嘢，但可能爸爸聽唔到就冇答佢。（你爸爸對男友有冇咩意見？）冇意見，佢哋兩個人默默觀察。」