孖靚靚拍「三級片」鎮宇:張床要上緊螺絲

影星吳鎮宇、古天樂、袁詠儀(靚靚)及張達明昨日到觀塘出席新片開鏡儀式。身兼監製及編劇的達明飾演鎮宇父親,老人造型維肖維妙,他表示今次是鼻咽癌得以控制後首次演重要角色,原本不打算參演,但鎮宇極力說服他:「戲中我要坐輪椅,真係方法演技,啱晒我,我手腳麻痺遲早都要坐輪椅。」

至於鎮宇與靚靚飾演夫妻,是相隔十多年後再合作,問有否親熱戲?靚靚說:「大把!唔係點解接呀?」鎮宇笑說:「張床要鎖好啲螺絲,唔好冧床呀!我哋嗰部係三級片,係三級好笑,搞笑之中最好笑嗰個級別。」靚靚表示今次除了支持達明,亦希望再跟鎮宇合作,鎮宇笑說:「個個女星同我合作完都食過翻尋味!」靚靚說:「係呀,我都『Lam Lam脷』!」鎮宇表示電影劇本是多年前達明的作品,曾經得獎,今次是他叫達明將劇本拍成電影,但沒有為他減收片酬。