歐陽震華田蕊妮首度合作 眾星打造奇幻誇世代賀台慶
有「收視福將」之稱的歐陽震華，於新劇《誇世代》中與視帝、視后級的陳豪及田蕊妮首度攜手合作大鬥演技，劇中連同江美儀、森美、張繼聰、邵美琪及關禮傑等五生五旦合演五十周年奇幻台慶劇，更有四十多位演員洪永城、黃翠如、汪明荃等助陣，簡直群星拱照賀台慶。
由歐陽震華（Bobby）、田蕊妮、陳豪、邵美琪、張繼聰、李佳芯、森美及龔嘉欣等主演的台慶劇《誇世代》，將於下周一（6日）起晚上8時30分一連50集播放，作為無綫50周年台慶劇。新劇以「誇」字作劇名，監製陳維冠指劇情以誇張奇幻的交換靈魂為主線，同時有「跨」越世代的溫情演出，亦有TVB經歷50年後跨入新時代的含義。
田蕊妮變小女人
飾演投資銀行家的Bobby與「廢青」吳業坤因一場意外而靈魂對調，Bobby藉着新身份與疑似出軌的老婆田蕊妮重新建立感情，更會與吳業坤的阿姨邵美琪發展「姨甥戀」！阿田與Bobby飾演夫妻，問到除了招牌白框眼鏡外，如何將眼中的對方想像成吳業坤？她笑說：「Bobby都觀察到吳業坤啲肢體動作嘅，好多時都係我同Bobby對戲，然後會有鏡照番出佢係吳業坤，所以我要前後拍兩次，同佢哋對戲。」她以女強人形象封視后，今次將破格演選美出身、依賴老公的小女人。
廢青荒島做獨腳戲
至於吳業坤與Bobby交換身份演出，但未有機會加戲份，監製陳維冠笑說：「當我搵佢演呢個角色時佢都好開心，以為會有好多戲，其實好多時候都係由Bobby自己演番。佢個軀殼都會亮吓相，但靈魂就會流落荒島，喺得佢一個人嘅島上做男主角囉！」
文：影視組