馮盈盈搵Sporty仔仔貼身運動
港姐馮盈盈、劉穎鏇與陳雅思昨日到沙田出席龍舟競渡活動，三位靚女都表示喜歡運動型男士，自嘲是運動白癡的馮盈盈更直言，希望有運動健將貼身指導做運動！
香港小姐冠軍馮盈盈、亞軍劉穎鏇及季軍陳雅思，昨日到沙田城門河出席《丁酉年沙田龍舟競渡》，為參加《Think Big天地》龍舟隊比賽的隊員余德丞、林希靈、黃碧蓮及鍾晴等打氣，龍舟隊最終在黃碧蓮擊鼓帶領下奪得第5名。
悉心打扮的馮盈盈、劉穎鏇及陳雅思均表示有興趣落場參賽，還提議組成香港小姐隊，當中馮盈盈自爆瘀事，指拍攝節目《學是學非》時扒過一次龍舟，比想像中困難，更烏龍地潑到湯洛雯全身濕透！自認運動白癡的她笑說：「我鍾意運動型男仔，因為可以帶我做運動，又可以貼身指導我，男友平時就打開冰上曲棍球。」
陳雅思晒肩「出術」
劉穎鏇與陳雅思則玩過獨木舟，認為扒龍舟較着重團隊精神，陳雅思笑言若有運動服想立即落場，記者笑指她能以露膊裝令對手分心，她笑說：「都係好嘅策略喎！」問到是否喜歡運動型男士？她說：「可能我鍾意做運動，同埋食得健康，所以之前每一個男朋友都畀我感染到，都係好健康同好Fit。」劉穎鏇亦自爆喜歡運動男，因她也愛做運動，問是否對文弱書生冇興趣？她笑說：「咁又唔係，我可以激發佢嘅運動潛能！」
文：影視組