夏蕙姨夏威夷戲水畀仔撩

藝人黃夏蕙昨日到西貢支持龍舟隊，更與一眾龍舟猛男跳草裙舞，大受歡迎！她說：「今年係第一次嚟現場，因為真係太逼、太焗！」她又透露早前朋友請她去夏威夷：「前一晚開心到瞓唔着。（有冇練定舞？）梗係有練啦！（帶埋私伙草裙？）喺嗰度買o架！」

談及夏威夷之旅，她說：「以前都係跟大隊去演大戲，50年前妙齡少女嗰陣！今次終於可以乜都做齊，滑水、坐直升機睇火山。（游水？）滑水呀！企咗上去落唔番嚟！（有冇畀仔撩？）有呀！佢哋好友善，讚我係Chinese girl。」