遊泰唔知佗緊B麥雅緻好彩玩得Hea！

張頴康、麥雅緻（Angie）是圈中數一數二的模範父母，向來疼錫女兒小豆，兩人一有時間便陪小豆周圍玩，讓女兒不斷學習新事物。早前，兩人帶小豆打保齡球，雖然年紀小小未能拿起保齡球，但已懂得「推波波」玩得很開心，Angie說：「我哋嗰日係第一次一齊去打保齡，屋企有啲保齡球玩具套裝，所以小豆都明白打保齡球嘅概念，知道要推個波出去撞跌啲樽。」
小豆跟父母去打保齡球，有姿勢有實際。
小豆跟父母去打保齡球，有姿勢有實際。

除了首次打保齡，一家三口又於3月底到泰國旅行，當時Angie還未知道已懷有身孕，幸好沒有做劇烈運動，她說：「去旅行嘅時候都未知（懷孕），但當日都係去游吓水、曬吓太陽，冇玩劇烈運動。」

老公做主持 集集捧場

提到張頴康最近在工作上有新嘗試，為TVB節目《請勿關燈》任主持。由於主持好「戲」令節目更添氣氛，獲得不少網友力讚，連他的「粉絲」Angie亦笑言有捧場：「我集集都有追！佢做得好好，開頭我都有啲奇怪點解搵佢做主持，但原來呢次嘅主持係有啲戲要演，所以佢都非常勝任。」

麥雅緻一家遊泰時未知已懷身孕，好彩游吓水冇做劇烈運動。
  • 麥雅緻一家遊泰時未知已懷身孕，好彩游吓水冇做劇烈運動。
張頴康有麥雅緻這位賢內助，當然放心在事業上衝刺。
  • 張頴康有麥雅緻這位賢內助，當然放心在事業上衝刺。