衛詩雅壞榜樣被禁見姪女

前港姐冠軍翁嘉穗與衛詩雅（Michelle）昨日出席BB展，Michelle表示與電影《貓星人》犀犀利現身感到開心。她透露弟婦禁止她見歲半的姪女：「因為我教佢唔執玩具，所以唔畀我上去，要我做好榜樣先。」問到是否未準備生B做媽媽？她說：「以為ready ，但同姪女玩先知未ready，未識教，我做陪玩嗰個，教就要成熟過我嘅另一半教。（出現未？）未，出現都唔諗，呢兩年事業為重。」
衛詩雅（左）與翁嘉穗一同出席BB展。
衛詩雅（左）與翁嘉穗一同出席BB展。

而翁嘉穗的16歲大仔鄔謨雲（Jason）舉重成績甚佳，她謙稱不是育兒專家，沒特別栽培兒子。問到是否屬怪獸家長？她說：「唔係啩，但朋友話我緊張，但我覺得入咩學校最重要係識咩同學，唔一定入名校，最重要係品德。」她又透露Jason入了港隊，有機會參與世界賽事，已吃飯慶祝但取消了到倫敦旅行：「依家唔敢因為怕恐襲，好彩未買機票。」

衛詩雅開心攬住可愛的犀犀利。
  • 衛詩雅開心攬住可愛的犀犀利。