嗲功失威王菀之瞓地大喊被無視

歌手王菀之（Ivana）昨日出席為新碟舉辦的相展，當中包括她與老公蘇卓航的甜蜜合照。她透露經常與老公及這次的攝影師、相展策劃人一起去旅行，所以被拍下不少旅行的照片。問到是否因四人行所以未能造人成功？她尷尬說：「唔關事嘅，我唔識答呢啲，冇呀，冇影響任何嘢。」而Ivana與老公早前終於二人世界去泰國旅行，她上載的短片更顯露其撒嬌功力，她說：「曝咗光，同我工作嘅mode係有啲唔同。（好使得？）一時時，我唔係成日咁嘅。（講疊字？）呢個真係唔得。」她自爆撒嬌最成功的例子是有次想陪老公睇醫生，但被阻止：「佢係為我好嘅，怕有菌，但我就瞓喺地喊，佢冇理我，仲跨過我行出去，我喊到攰都停咗，但最後佢都有畀我陪。」