陳柏宇樂做貼地歌手

歌手陳柏宇（Jason）昨日出席電台訪問，談到新歌《行屍走肉》，他指歌詞由黃偉文（Wyman）操刀，表面看歌詞似是談愛情，實則上那個「他」字可指工作，或過去深愛過的事及失去過的熱血。問到為何新歌以「變成殭屍梁朝偉」作宣傳？Jason笑言：「可能我畀Wyman感覺反差大，好多冇親身接觸過我嘅人，都覺得我好靜，但真正識我，或者睇咗我上次演唱會嘅人，都覺得我比較貼地，而我自己鍾意咁樣，我係想做歌手而唔係做明星，我鍾意喺人群中，而唔係有距離，呢種感覺會舒服啲，畀我有安全感。」談到前日是Wyman生辰，Jason才如夢初醒說：「哦……恭喜佢繼續長知識啦！繼續寫歌畀我。」