《失眠》3日過百萬 秋生叫衛詩雅接棒劏人
藝人黃秋生、衛詩雅與麥子樂前晚到大角咀為英皇電影《失眠》謝票。提到新片上映三日已有過百萬票房，問他們是否為此感到高興？秋生即笑謂：「三日過百萬都偷笑啦！」他又指自己有睇完整版電影：「幾斯文呀！（可以演得再狠啲？）唔係，係合情合理，唔係刻意去賣弄，最近都睇過差唔多嘅電影，外國片又上得，港產片就唔上得，應該要支持港產片！」
觀眾面青就興奮
談到電影有過半戲院不肯上映，問會否用更多方法宣傳去谷票房？秋生笑言不懂，要靠觀眾在社交網站宣傳。詩雅則覺得謝票很有用：「最近我都謝票謝到凌晨一點，觀眾見到演員好開心，最多人問秋生喺邊，我就話佢瞓咗。」秋生聞言即笑謂沒有人通知他：「今日要開工有化妝，順便過嚟謝票！希望大家支持吓啦，下部詩雅做主角，負責劏人！」詩雅笑指最喜歡看觀眾的反應：「有啲面青口唇白，有啲就好興奮，覺得可以再恐怖啲。（自己點睇？）我係興奮o架，我可以食住番茄睇，最想睇人嘔或者驚，咁就成功啦！」
文：影視組