蔣怡靠老公「搵任務」 踏上大廚之路

藝人蔣怡（Coco）早前接受「金槌拍賣官」金鈴主持的繽FUN星網全新節目「金鈴12星X萬希泉」訪問，節目邀得不同星座的藝人，暢談一番。蔣怡自認屬典型金牛座個性，安於現狀、易滿足、不喜歡改變，金鈴出題測試她對感情的態度，題目是：「邊種牛對人類貢獻最大？」Coco選擇答案「乳牛」，代表感情態度會自我矛盾、猶猶豫豫，但Coco即笑着否認：「我從來未試過揀唔到！」因她早於20年前便揀中了對的人——珠寶設計師翁狄森（Dickson），Coco稱很喜歡完成任務的感覺，並說：「你畀目標、任務我，我排除萬難都會完成，好堅持，必定要完成咗先會開心，但我唔係好識自己搵任務，所以好鍾意人哋畀任務我去做。」而負責「派任務」的就是Dickson，Coco提到當年女兒出世未夠1歲，老公便鼓勵她去英國讀藍帶廚藝課程，成為推動她成為大廚的背後高人，她說：「有次我返屋企同佢呻，覺得其他人永遠唔覺得我識煮嘢，佢就鼓勵我，叫我去考個藍帶返嚟，咁就冇人睇唔起你。」