李彩華遊瑞士歎「冰火」嗌刺激

李彩華讚瑞士充滿浪漫氣息，很想在當地舉行婚禮。

李彩華（Rain）應瑞士旅遊局邀請飛往當地參觀，乘機拍攝不少靚相。雖然Rain經常飛歐洲旅行，但較少停留在瑞士，今次有機會作長時間逗留，讓她有不一樣的感覺。Rain說：「首先呢度氣溫好特別，中午有陽光好暖洋洋，但一去到雪山又冰天雪地，可以好刺激咁玩滑雪，我今次就試咗駕駛雪車，非常難忘。」

喪食芝士火鍋

除了喜歡瑞士的天氣，當地的美食及人們的熱情亦讓Rain非常難忘。她說：「我出名大食，嚟呢度日日都食芝士火鍋，真係好正，試過一日三餐都食芝士火鍋，又甜品又餸一啲都唔會悶。」瑞士浪漫的環境最讓她心動，直言希望將來在此出嫁：「我問咗阿媽喇，佢都覺得好好，由細到大我成日幻想要有童話式婚禮，呢度真係滿足晒。」Rain笑言唯一缺點就是離香港太遠，屆時萬一不能在此舉辦婚禮，亦要想法子來影婚紗相，一定要將人生大事在此留一點回憶。

難得到雪山，李彩華一嘗駕駛雪車滋味。	孝順的李彩華經常帶阿媽去旅行。	李彩華讚當地人熱情友善。

文：追蹤組