- on.cc 東網主頁
- 3月30日 (日)
藝人黃長興自從有了一對寶貝仔女後，即變成「貼身爸爸」，不用開工時全天候照顧仔女，更有意追多個。日前他與太太Peggy在兒童樂園包場，為子女搞大型生日派對，老友洪天明亦帶同兩子出席，大人、小朋友都玩得很盡興。
黃長興育有一對子女，大女Paige今日正式踏入三歲，囝囝Tristan則於本月17日一歲生日。每日對着寶貝仔女，長興都感到幸福及滿足。日前趁着假期，他與太太Peggy在一個兒童樂園包場，為生日只差一星期的仔女舉行愛的生日派對，除了邀請囡囡的同學仔及家長參與外，長興老友洪天明亦帶同兩子TJ及JT前來齊齊玩，現場單計小朋友已有60多人，場面熱鬧。
長興接受訪問時坦言很多謝太太：「今次個party咁成功都要多謝老婆，佢擺咗好多心機，仲用咗幾晚通宵搞小禮物，自己印埋box，個個都讚靚，我哋都好開心。」現時忙於拍攝劇集《溏心風暴3》的他，最近多了很多不同類型工作，問到會否爭取時間造人追多個？長興說：「都想，不過唔急嘅。」
長興又透露之後會參演黃百鳴的電影：「今次係同張晉合作，應該唔會有打，但自己都積極準備先，無論戲份多唔多，今次都係真真正正第一部電影，自己會努力去演。」
文：影視組
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
