進擊唐貝詩追仔嗌好玩
藝人唐貝詩（Lydia）、麥子樂及林耀聲等昨日於大棠拍攝奇妙電視自製劇集《熱戀100天》。當中與Lydia飾演一對的子樂笑言於劇中化身從未談戀愛的中醫，被女方追求。問他現實中有否被女仔倒追的經驗？子樂搞笑表示唔慣畀女追：「當然有啦！但都冇下文。」
而女追男的Lydia就大呼好玩：「有挑戰，我喺劇裏面都好多人追，但我會睇自己鍾意邊個，唔係人追我就一齊。其實角色同自己性格都好似。」問她目前有冇人追？Lydia說：「忙住拍緊劇。（有冇追求者做司機車你返工？）有公司車接麥子樂，再接我，我哋住得好近！」