Ben Sir開騷觀眾有Mood就爆粗
無綫節目《Ben Sir研究院》前晚在尖沙咀舉行「謝師宴」，研究生麥美恩、陸浩明和林頴彤等設宴答謝歐陽偉豪（Ben Sir）的教導，並送上心意卡及唱「校歌」助興。Ben Sir將於6月開騷，陸浩明與麥美恩透露將粉墨登場，陸浩明笑說：「未知我哋會唔會升呢，睇吓會唔會喺台上真空上陣！」他笑稱想看Ben Sir表演歌舞，最想對方唱K-POP，麥美恩則笑說：「即係唱Bang Bang Bang嗰啲，因為佢係Ben Sir！」
分半鐘一個Gag
Ben Sir透露開騷內容一直更新：「總之戰戰兢兢，要分半鐘一個Gag，但我唔會定性為棟篤笑，好似為搞笑而搞笑咁，想觀眾透過呢個騷帶啲嘢返屋企！」並預告會將舞台布置成教室，帶觀眾重返學生時代，屆時會大談「調九聲」、量詞及語氣助詞等廣東話文化。問到可擔心難免要爆粗？他笑說：「咁我當然唔會直接講，但如果情緒、氣氛適合，觀眾講咗我都阻止唔到！」提到麥美恩想他跳K-POP，他笑言有獨立思考能力，採納意見與否是後話，並坦言對K-POP認識不深。
文：影視組