套套劇都咀 湯洛雯：好多人羨慕我

藝人湯洛雯昨日出席活動，透露近日忙拍無綫新劇《燦爛的外母》，會跟前輩薛家燕及黎諾懿合作，劇中與黎諾懿飾演情侶的她笑言感覺怪怪的：「之前合作《愛．回家》，佢係飾演我男友嘅叔叔，依家由長輩變情侶。（有冇親熱戲？）未知，應該有。（發達啦，之前你又同馬國明？）我都獻咗不少螢幕吻，佢哋都好幸福o架！不過唔知點解監製安排我拍每部都有咀戲，之前有胡諾言，監製最近又問我楊明，好多人都好羨慕我，哈哈！（邊個最好咀？）個個都好咀！」問到男友有否呷醋？她即扮傻：「冇男友。（緋聞男友羅天宇呢？）冇一齊。」又自言希望事業行先，感情次要，就像煲湯一樣慢慢熬，並自爆平時有煲湯習慣：「人哋話煲湯可以箍到男人心，我都要努力。」