佢都15歲啦！邱淑貞開綠燈 見過沈月男友
「索媽」邱淑貞前晚現身電影首映禮，對於其15歲女兒沈月拍拖，邱淑貞大方表示支持，還直言已經見過女兒的男友，叫大家不要嚇親對方，處處維護這對小情人！
被喻為「最索星二代」的邱淑貞女兒沈月，日前於中環與貌似吳亦凡的高大混血男友拍拖斷正，前晚邱淑貞出席電影《喜歡你》首映禮時，被問到「仙氣女兒」15歲就拍拖？原本趕住入場的她，開腔幫女兒講說話：「你哋（指當日追訪的記者）嚇親佢哋啦！（囡囡係咪拍拖？）佢都15歲啦！」邱淑貞更處處維護一對小情人，指知道女兒拍拖，亦已見過男方，問到感覺如何？她說：「唔講喇，我入場喇！」
王敏奕「被結婚」
同場還有女星王敏奕及袁嘉敏，王敏奕被問到有傳她已秘嫁男友曾國祥？她說：「吓！我自己都唔知嘅！我諗女仔一生人嫁一次，唔會咁秘密嘅！（話你已經改口叫曾志偉做老爺？）我知我咁叫係會好敏感，但個個都咁叫佢，如果叫佢志偉哥，好似好生外。（屋企人有冇催婚？）冇，佢（曾國祥）依家事業又咁好，咁我又忙，冇呢個壓力嘅！」
袁嘉敏玩暗戀
至於穿上露臍裝的袁嘉敏則表示，今次是來捧曾經暗戀的導演許宏宇場：「我十年前做電影發行，佢（許宏宇）就做幕後，佢半年前已經約我睇首映。（佢想藉呢套戲向你表白？）我暗戀佢就真，嗰時陳可辛話要搵人留喺北京做嘢，我冇去到，佢就跟咗上去，唔知如果當日我揀一齊返去會點呢？（想同導演合作電影再續前緣？）其實都幾得意，十年過去，佢由剪片變導演，我就由發行變咗拍電影。」
文：影視組