諸葛紫岐帶仔睇展覽感受法國文化
名媛諸葛紫岐（Marie）前晚出席《法國五月藝術節》活動「羅浮宮的創想－從皇宮到博物館的八百年」開幕典禮時，憶起以前遊覽羅浮宮：「細個去過羅浮宮，早前飛去法國睇時裝騷，咁啱又喺羅浮宮舉行，所以對呢個地方有情意結。羅浮宮嘅收藏代表法國歷史一部分，睇藏品時會感受到唔同畫家或雕塑家對美有不同演繹。」
Marie說會偕兒子薛華韜欣賞展覽：「我同韜韜去過法國，但冇時間親自帶佢去羅浮宮，今次可以先帶佢嚟睇，當上一上堂。讀萬卷書不如行萬里路，憑睇書認識世界係唔夠，可以帶埋子女親身感受，係非常好嘅體驗。」
法國另一吸引的地方，當然是紅酒，熱愛品酒的Marie被問到會否有意在法國買酒莊自製佳釀？她說：「法國有好多細嘅酒莊，反而成日畀到驚喜。呢類酒莊產量唔多，物以罕為貴，我會買好多返嚟同朋友品嘗吓，暫時我都係喜歡品酒，未有意欲買酒莊。」