余文樂為千嬅開金口有條件o架！
女星楊千嬅將為主演的新片《春嬌救志明》推出電影原聲大碟，更邀得有「錄音室恐懼症」的男主角余文樂開金口獻聲，早前在北京宣傳的二人更在當地拍攝MV。
講到今次接受千嬅邀請，樂仔自言有開出條件：「他朝一日你（楊千嬅）喺紅館有演唱會，可唔可以搵我做嘉賓，由台底升上台面，我咁大個仔都未試過咁，我有幻想升上台面，不過升完就走，唔好叫我表演，純粹過癮啫！」千嬅聞言笑說：「吓！咁幾尷尬喎！咁升完上嚟又落番去，咁好型，都好犀利！開埠以嚟冇人做過呢啲事！」樂仔又「落定閘」禁止千嬅要他唱現場，千嬅即笑說：「唔會喎，現場唱我播你條聲出嚟算！」二人一唱一和，認真搞笑！