余潔滢追男仔從未失手
早前余潔滢與劇集《男排女將》拍檔陳卓賢（Ian）傳緋聞，事後她極速澄清，現實中仍是單身的她坦言大時大節都會想拍拖，惜未遇到心儀對象，加上事業剛起步，不想分心。
提起戀愛史，她自爆之前採取「女追男」策略：「如果鍾意我會主動出擊先，之前拍拖多數都係咁，冇試過唔成功，但試過一齊咗之後先知道唔夾。（擇偶條件？）冇話鍾意高大靚仔，一定要有個人特質，我唔鍾意啲好平凡普通，起碼有一樣嘢我欣賞，就算佢唔靚仔我都會鍾意。」她又笑言視劉俊謙為圈中男神：「如果送螢幕初吻畀佢，會值得我回味好多日。」