湯洛雯跣落海傷腳
無綫小花湯洛雯昨午出席商場復活節活動，期間被發現右腿腳眼有瘀傷，她說：「10日前拍《抱佣情人》水上煞科戲，拍完我好興奮咁衝去船尾沖身，點知跣腳成個人跌落海整親。（緋聞男友羅天宇幫你捽？）自己嚟啦！哎吔！咁復活節……（扯開話題？）係呀！」
暫獲一個月假期的湯洛雯，由於有其他瑣碎工作在身，未有出埠旅行：「依家搏殺期嘛，5月又再開劇，係入行以嚟最重戲份嘅一次。（新一輩演員孭重飛，成日引起網民負評！）唔理啦，做好自己，況且選港姐時都多負面新聞，好大壓力，已打咗底。（當時有諗退選？）冇，但臨尾已經唔在狀態，嗰時EQ未夠高。」至於《心理追兇mind hunter》拍檔何遠東的弒母戲引起回響，她說：「下次要當面讚吓佢。（有興趣挑戰呢類角色？）之前《八時入席》我演過有強迫症嘅女仔，都有觀眾讚，呢類角色其實好好發揮。」