張繼聰新片仔女冇份睇
藝人張繼聰及白只昨日到佐敦為新片灌錄主題曲，負責作曲及監製的波多野裕介亦齊齊Jam歌！向來搞笑的張繼聰，合照時與白只十指緊扣，令白只略顯尷尬。阿聰被問是否批准老婆謝安琪入場睇戲？他說：「我拍嗰陣佢已問我幾時上，應該得！（初生囡囡都睇？）佢入場嘅話，我就唔使睇，記得我個仔細個，帶佢入戲院，唔夠五分鐘佢嗌走！（依家可帶仔睇戲？）得，但佢瞓唔着你要負責，佢會話：『帶我睇恐怖戲，今晚唔可以早瞓喇！』」
對於阿聰拖手，白只說：「佢收……啦！（喺阿聰面前，你怕醜？）其實同阿聰合作電影，係今次最大嘅意義，另外仲有萬梓良（萬子），就算我哋休息飲水嗰時，萬子都會同我哋分享佢嘅經驗，直接近距離感受佢嘅戲，係好癲嘅事！」
