周秀娜豪送波餅 欣宜撩蔡瀚億做愛
女星周秀娜（娜姐）與鄭欣宜在新片鬥搶fo！行政人員Look的娜姐大玩OL誘惑，大送波餅！欣宜除與人夫蔡瀚億（BabyJohn）咀嘴，更主動開口撩BabyJohn：「不如做愛囉！」堪稱從影以來最豁出去的演出！
周秀娜與鄭欣宜在新片《29+1》最新發放的預告片鬥搶fo！娜姐放下性感女神形象，穿上行政人員服裝，大玩OL誘惑，更有一場戲講述她投向飾演其男友的楊尚斌懷抱，兩人零距離地上身貼上身，娜姐為劇情需要，毫不錫身大送「波餅」！
十分鐘破冰
憑此片衝出香港、角逐法國尼斯國際影展「最佳女配角」的欣宜，除與BabyJohn有嘴對嘴、飲樽裝奶及踏單車等清純puppy love戲份，欣宜更主動開口撩對方做愛，其豁出去的演出令BabyJohn難忘，他說：「我同欣宜對對方第一印象都唔好，互相覺得對方好寸！我有擔心拍唔拍到呢場戲，後來導演彭秀慧幫我哋排練，唔夠十分鐘竟然破咗冰，因為我哋都係傻同真性情，好快熟落變到好friend添！拍咗兩、三個take就搞掂！（尷尬？）事前有排戲，絕對知大家做咩。（恭喜欣宜有提名？）電話恭喜咗佢，等佢攞咗獎再食飯！」
文：影視組