何傲兒愛心扒箍男友

藝人何傲芝昨日與妹妹何傲兒到電台宣傳，傲芝踢爆妹妹是地獄廚神：「佢有次煎糕掛住吹水唔記得反，煎燶晒。」傲兒即澄清說：「依家唔係喇！」隨即笑指識整沙律及睇書鑽研喇沙，並透露曾為男友煎愛心牛扒，問到對方有否食到肚痛？她說：「佢夠膽話有事？其實係食我嘅心意。」而傲芝自認「易養」：「我嗰期想食乜就係咁食，好似餐蛋飯，其實好易養。」並叫記者介紹好男人給她，她說：「我唔急，反而父母係咁催我拍拖。（入多啲馬場識馬主？）我19歲已經喺馬圈，識好多馬主但冇聯絡，好多都封咗盤，最好嗰個畀黃婉曼封咗。（咁失敗？）我認。」兩姊妹又異口同聲表示不會爭仔，傲芝搞笑地說：「百貨應百客。」