翁虹小廚神囡囡整蛋糕感動爹哋

「凍齡美魔女」翁虹與丈夫Will結婚十年恩愛不減,早前丈夫生日,翁虹與女兒「小水晶」化身做大小美女廚神,親手炮製驚喜,翁虹說:「我同個女商量要送有驚喜同有心思嘅嘢,最後決定整蛋糕,老婆同個女一齊做,幾有意思,我哋仲賭睇吓爸爸會唔會流眼淚。」

冧到眼濕濕

翁虹約埋師傅到場指導,她與囡囡穿好圍裙作準備,9歲的「小水晶」似模似樣地幫手,翁虹說:「佢之前參加真人騷贏過烹飪小廚神冠軍,有啲潛質。」Will當日亦有到場打氣,並加入幫手,翁虹笑說:「爸爸開心到忍住眼淚囉!佢都覺得呢個生日好難忘,平時唔『發相』嘅佢,都發咗畀朋友圈。」