吳綺莉的女兒卓林放聲表示會離開香港，前日吳綺莉開記者會時聲淚俱下表示只想女兒返屋企。昨日數十名傳媒於機場守候，但未見卓林蹤影，原來她於母親的友人陪同下已抵泰國散心，吳綺莉指今次是讓女兒及自己都有空間思考一下。
藝員吳綺莉早前因女兒吳卓林的交友問題致母女起衝突，之後她因涉嫌刑事恐嚇而被警方扣查，連日來有關母女的傳聞甚多，吳綺莉雖已統統回應，但仍被不斷追訪，她坦言要空間及時間解決母女和屋企的問題。而卓林前日於母親開記者會前，於社交網發文自言壓力爆煲，將會離開香港。昨日大批傳媒即於機場守候，但一直未見卓林的蹤影。
據知，卓林在母親的朋友陪同下，已於昨天凌晨離開香港，到了泰國一個地方展開短期旅行。吳綺莉昨日回覆記者時表示，希望女兒趁旅行散吓心，獨立思考一下，吳綺莉說：「我朋友陪個女過去，等佢散吓心、靜吓、諗吓嘢。（有冇同個女通過電話？）我知道個女OK嘅！嗰邊都會有朋友照顧佢！（幾時返？）未定幾時返，睇情況啦！（係咪會畀個女出國留學？）有呢個想法，但未定邊度讀。」
文：影視組