桑拿不適入ICU Joe Junior隨時「通波仔」

老牌歌手Joe Junior昨晚原定為無綫錄影《流行經典50年》，但他因身體不適未有出現，隨即有傳因中風而被送入ICU！其後，阿Joe託經理人Rose向大家報平安，Rose說：「阿Joe絕對唔係中風！佢尋晚去完桑拿有啲唔舒服，太太陪咗佢去睇醫生，醫生認為若有需要，可能要做通波仔手術，所以要留院觀察作詳細檢查才決定，始終佢年事已高，安排喺深切治療部檢查較好。如果過兩日情況穩定就轉去普通病房，所以只係小事，希望畀阿Joe好好休息。」曾與Joe Junior一齊出埠拍《四個小生去旅行》的胡楓（修哥）表示從記者口中得知阿Joe入院：「淨係知佢暫時喺ICU，應該冇乜事。我打過畀佢老婆，但冇人聽電話。」