城城香港結婚小美讚方媛斯文
郭富城經理人小美昨日出席相識多年好友麥潔文（Kitman）的首個個人畫展，講到城城與內地女模方媛入紙申請註冊結婚，小美表示城城四月初會回港，問到回來就會結婚？她說：「其實一直冇正確答案，但會成家立室，由佢家人籌備，唔會大排筵席。（方媛因為有咗兩個月所以唔大排筵席？）冇收過資訊，都冇問過佢，我哋係合作多年嘅夥伴，會請佢食飯。」
對於有指城城簽婚前協議書，小美表示是不盡不實的報道：「呢件只係一樁單純嘅喜事，唔好將喜事變做壓力。」有指方媛為了攞香港身份證而在香港註冊，小美說：「絕對冇！我見過呢個女仔，印象OK，斯斯文文，識咗佢年幾，畀多啲祝福佢哋。」她亦謂城城今年會在香港結婚。至於Kitman多謝老公江華：「幾年前佢叫我唔好成日掛住打機，所以我咪攞筆畫咗呢40幅畫，畫畫係我嘅第二春。」江華則大讚老婆多才多藝。