度期返港睇醫生 何雁詩拒談病情突辭演劇集
無綫台慶劇《誇世代》拍攝已經進行得如火如荼，但有份參演的何雁詩突然在社交網上透露因身體問題，決定辭演劇集，並表示辭演是監製和她的共識。何雁詩一角將由蔣家旻代替，辭演一事不會影響劇組進度。
由藝人歐陽震華、陳豪、田蕊妮、張繼聰、邵美琪等主演的無綫劇集《誇世代》，班底強勁，但日前有份演出的何雁詩突然在社交網宣布辭演，她說：「很不好意思，本來要拍攝的《誇世代》，最後因為身體出了狀況而需要辭演。這個決定是監製和我得到的一個共識。」
由蔣家旻頂上
至於辭演原因，何雁詩接受本報訪問時說：「同公司有共識都唔會講喇！因為我都有定期睇醫生，《天命》呢邊都好好，專登度期畀我返香港睇醫生。」何雁詩又透露辭演經過，表示很希望可以再有機會跟《誇》劇監製合作：「公司畀咗好多關心我，因為本身有一場戲我病咗拍唔到，之後監製都有打畀我話如果身體唔舒服，就醫番好先，唔好夾硬嚟。公司好體諒我，希望再有機會同監製合作。」
對於何雁詩辭演《誇》劇，本報聯絡劇集監製陳維冠，他說：「因為佢（何雁詩）身體唔舒服，佢只係拍咗三場戲，所以冇乜影響，而佢個角色會由蔣家旻代替。知道何雁詩會拍埋《天命》，佢休息吓會冇事嘅。」
龔嘉欣唔八卦
同樣有份參演《誇》劇的龔嘉欣，對於何雁詩突然辭演，表示不太清楚，她說：「聽過，但我同佢係冇對手戲嘅，唔會八卦。我覺得身體健康好緊要，如果夾硬演件事未必係好，希望佢盡快康復，同埋尊重佢嘅私隱。（你冇試過咁嘅情形？）冇！我有咩事都會講晒出嚟，之前拍劇同黃浩然、蘇玉華乜都傾一餐，講晒就舒服好多。」
文：專案組