任達華讚舊拍檔打得認真
高飛生前與任達華多次合作拍電影，身處外地拍攝的任達華昨獲悉好友離世，感嘆說：「唉……我哋以前都係深交，大家合作多次，試過一齊去匈牙利拍戲，佢太太都非常好人。之後高飛過咗菲律賓發展，近年先返香港，大家少咗聯絡。之前喺朋友口中知佢健康唔係咁好，佢囝囝又有三高，呢行成日要應酬，我都擔心佢身體狀況。」任達華大讚高飛為人正直，拍打戲時非常盡責。
曾於邵氏年代與高飛合作武俠片的狄龍，受訪時亦讚高飛是力量型演員，於電影幕後做過很多崗位：「同佢喺電影度合作場對打戲，講起都起碼成廿幾年前嘅事，高飛身手好好，技術上精益求精，仲設計埋啲難度動作，喺武俠片世界係好難得，仲要佢喺足球方面都好叻。」至於稱高飛為Uncle的梁烈唯指大伯、爸爸均認識他，更指三年前於大埔球場碰上對方合照留念，惟雙方忙於工作僅以短訊聯絡，昨獲悉長輩死訊大感愕然。
