講起兆尊勁激動祥嫂：祥哥翻生我一定答你！

粵劇名伶新馬師曾遺孀洪金梅（祥嫂）及黃夏蕙昨日出席粵劇名伶紅線女大徒弟郭鳳女壽宴，祥嫂精神奕奕與黃夏蕙上台送金雞作賀禮，惟她下台受訪時頻呼腰痛，她表示當年懷上兆尊時跌倒故有腰患，又稱打完止痛針都要到場支持。祥嫂首先自認見記者感到緊張，被問及兒子鄧兆尊時，隨即表現激動，她叫傳媒代她問候兒子：「我鍾意兆尊嘅，代我問候鄧兆尊。總之仔大仔世界，我啲仔開心健康，我就開心！（兆尊話歡迎你搵佢？）歡迎咩都好，應對你哋傳媒，我冇呢方面嘅聰明。（兆尊仲話……）兆尊係我生(口既)，點呢？」講到兆尊指祥嫂日前於魯芬喪禮上痛哭的表現足以入行，祥嫂激動反問：「手足你同唔同意佢咁問我？咁係咪挖苦我定笑我？問咩都好，祥哥翻生嘅我一定答你，跳脫衣舞都得！有公道先得o架！我唔會喊o架喇！」