雷頌德錄音室偷影黎明

音樂人雷頌德（Mark）昨日出席與貿發局合作的攝影作品展及推出攝影相集，提到太太梁家玉（Jade）企在電車前的相成為封面，Mark笑言當日是即興叫老婆落街影。問到相集可有全家福？他謂沒有：「我有囝囝嘅靚相，但等佢大啲先畀佢留念。」Jade笑言想影寫真，由Mark操刀：「我想40歲有輯靚相。（性感？）要健康。」Mark即笑言：「係都自己收埋睇。」Mark謂之前有幫黎明演唱會出相集，笑言不知對方睇過未：「佢唔鍾意影相，我開頭唔敢影佢，上次都係喺錄音室無意中影咗，佢見到話靚，先有上次嗰本。」