王曼喜單身堅持唔轉「性」
名模馬詩慧女兒王曼喜前晚為慈善與酒店合作，邀請十位香港不同的女性拍照，包括有其母馬詩慧、歌手莫文蔚、鄭欣宜、「美人魚泳手」歐鎧淳及賽車手楊嘉怡等。曼喜表示一直支持女性平等，「出櫃」的她是否對女性特別有感情想幫忙？她說：「唔係，因為我身邊有好多女性，媽咪嗰邊全部都係女性，媽咪係我榜樣同偶像。（為慈善會接受拍性感全裸照？）只要露得有意思就唔介意。」她又透露已單身半年，現時沒有女朋友，但轉性向的機會不大！
馬詩慧（Janet）與丈夫王敏德、名模Rosemary等齊現身撐場，對於女兒曼喜揚言未必會轉性向？Janet笑說：「呢啲嘢冇人會100%話你聽，可能有一刻會。（仲有期待？）最緊要佢自己開心，最終伴侶都係佢自己揀，我會支持埋佢另一半，會當埋佢係屋企人。（你老公恨抱孫。）可以領養嘛。」
