同關之琳做番朋友？嘉玲：咁要睇佢！

女星劉嘉玲出席活動，談及昨日是三八婦女節，她自言是「Working Woman」的人辦，認為女人應該要有自己工作，不要求人家保護及愛錫自己，女人應當自強：「呢個世界對女人始終有啲偏見，一啲唔好嘅評論都係對女人。 （例如呢？ ）好多爭拗同謠傳都係來自女人口中講女人，其實女人應該愛護女人，呢啲都係出於妒忌心。（最近聽到是非？）都會有，每日都會存在。（你點處理？）我依家心臟已經好強壯，以前聽到會唔舒服，依家唔會，加上依家社交平台咁廣泛，不過呢啲都係好正常，咁樣會更加督促到自己做得更加好，鞭策你向前嘅動力。（你會唔會好Hurt？）唔會，反而我會喺另一個角度睇自己，可能自己真係有咁嘅問題，人冇可能係完美！」