前港姐亞軍王卓淇（Erin）經常在社交網上載愛貓「豬寶仔」靚相，引來不少網友心心眼派like。她指豬寶仔今年2歲，屬異國短毛貓，已經飼養年半時間。問到愛貓會否曳曳亂抓人？她說：「從來唔會o架，佢好乖o架，但會好似人咁偷偷哋瞓下我哋啲床。」她又指第一次與豬寶仔見面，已與對方「一見鍾情」：「之前都睇過好多貓仔，但第一次見到佢，佢就好活潑，因為好多貓都成日瞓、唔夠精神咁，但佢見到我就同我玩得好開心，好鍾意佢咁精靈。」
問到愛貓有何古怪習慣？Erin大爆豬寶仔最愛咬吸管：「我一拎盒檸檬茶出嚟，佢就會即刻跳到我面前，然後咕咕聲好開心咁，不斷搶我支飲管嚟o趙，好搞笑，可能佢好鍾意檸檬茶。（畀佢飲檸檬茶？）唔會呀，始終對佢身體唔好，太甜太鹹嘅嘢都唔可以食，畀佢聞下就算o架喇。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
