羅霖趕拍劇情人節大餐泡湯

無綫藝員羅霖與張文慈昨午現身電視城，拍攝新劇《深宮計》開場戲，二人異口同聲表示因趕戲而缺乏休息，其中羅霖更因戲服領口大而「攝親」，只好頂硬上帶燒開工，她說：「唔想影響到其他人，發燒都係叫傭人去醫生度攞藥咋！本來情人節有假放，但依家都有通告。（緋聞男友J君唔開心？）唔係淨係佢，總之本來有飯食，依家會喺廠，有馬國明同蕭正楠陪。」
羅霖發燒仍頂硬上，以免影響拍攝進度。
羅霖發燒仍頂硬上，以免影響拍攝進度。

而張文慈則笑言其宮廷戲「罰企」居多：「每日企7、8個鐘，所以我全身重裝備，包括護膝同腰墊等，希望姿勢長期保持狀態，大家講笑咁話今次真係無綫『企』業喇！不過出嚟效果好靚，大家拍得好開心。我哋四司各人有唔同嘅代表顏色，畀工作人員封咗做『彩虹戰士』！」

張文慈戴定護膝，為「罰企」做好準備。
  • 張文慈戴定護膝，為「罰企」做好準備。