歐詠珊獨愛水瓶Oppa

笑容甜美的模特兒歐詠珊（Janice）擁有小蠻腰及長腿，外形夠煞食，性格則屬慢熱、斯文一類，最大嗜好是打高爾夫球，夠晒特別！為保Fit爆身材，她每晚都拉筋及做腹部運動，亦很注重飲食，終練成她最自豪的纖腰！談到上圍似乎尚有進步空間，她笑說：「我都想豐滿啲，有食木瓜加乳酪，想升多兩、三Cup，但唔會整形，見到報道話有副作用，唔係好敢！其實我好羨慕班台灣女仔，好似林志玲、隋棠咁，高瘦得嚟又豐滿，可能係台灣水果好啲，又多青木瓜，豐胸效果較好。」

身材重要過樣貌

Janice對身材要求甚高，擇偶一樣重視身形：「樣唔緊要，反而睇身形多啲，鍾意陽光啲，黑黑實實嘅男仔，唔一定要太多肌肉，但要感覺健康。（鍾意韓國啲長腿Oppa？）係呀！最冧T.O.P，Big Bang入面佢最高！」過得了外形一關，自認神婆的Janice笑言發展前還要了解對方星座：「好多時新識個男仔會睇佢咩星座，如果個星座有缺點係我唔鍾意嘅，會戒心大啲，咁實戰經驗係大部分都準喎！我比較喜歡水瓶座，覺得專一啲同浪漫，但講到尾最重要溝通到，特登遷就對方好辛苦。」

Janice性格較為慢熱，但Cute起嚟亦冧死人！	篤信星座的Janice，欣賞水瓶男專一及浪漫。	歐詠珊

Janice外形似足韓妹，猶如「港版金喜善」，她直言經常被認錯國籍：「有次去日本旅行，個導遊問我係咪韓國人，我呃佢我係，佢完全冇懷疑。似韓國女仔都好，大部分都靚，我平時成日睇K-pop，覺得班女藝人唱歌、跳舞都好好，我想倣效佢哋。」

Profile

歐詠珊（Janice）

年齡：24歲

三圍：32C、22、33

身高：1米65

體重：43kg

簡歷：外貌甚有韓妹Feel，憑22吋纖腰及42吋長腿吸引大批男Fans，主力拍攝廣告及擔任《東網》數碼Angel

文：立影

攝：劉智源