肥仔聰讚小方Cam得好
近年Job接Job的藝人兼導演林子聰（肥仔聰），去年為周星馳電影《美人魚》擔任執行導演大收旺場，最近則為王晶監製的新片《男神訓練營》任導演兼演員，跟方力申、張秀文及金剛合作。首度拍檔的金剛大讚他執導時氣氛很輕鬆，令喜劇效果更佳；而方力申則讚他十年如一日地開心：「我哋喺2006年合作《得閒飲茶》，今年啱啱10年，佢咁多年嚟個樣都咁開心，係好有福氣嘅樣，同佢合作好舒服。」
肥仔聰則大讚方力申成熟不少：「講真，以前唔係咁敢畀太多喜劇佢做，今次就可以，佢嘅角色Cam Cam哋，佢都幾擔心，但出嚟幾好。」至於金剛，肥仔聰說：「金剛係一個驚喜嚟，佢嘅幽默感同演戲細胞都好強，係明日喜劇之星！」
