玄學星相：葉璇控制欲強千語戀火旺林峯
圈中情侶愛到發狂？最新一集《東網巨星》娛樂節目《玄學星相》，由堪輿學家陳子才以玄學角度分析圈中三對經常毫無保留向另一半示愛的情侶。藝人葉璇與內地造型師男友小默先生打得火熱，平時一向以女強人形象示人的葉璇，更一反常態瘋狂在網上晒恩愛，到底甚麼原因令她愛得咁瘋狂？
女強人變小女人
陳子才說：「佢應該就舊年先同佢拍拖，啱嘅！因為舊年葉璇本身行『紅鸞桃花』，即係會遇到正桃花，的確佢遇到一個正桃花佢好鍾意，咁你問點解會一個大女人，變咗小女人，其實所有開頭戀愛嘅女士都係咁樣o架啦！咁但係，你話佢個性格的確有啲霸氣，其實佢控制欲強，所以依家佢哋叫做熱戀期，咁就梗係冇問題啦，但慢慢落嚟真係想持久嘅話，的確葉璇係有想控制對方嘅諗法，呢個一啲都唔出奇。」
另一對愛到發狂的情侶當然是林峯與吳千語，到底千語BB點樣令林峯死心塌地？陳子才說：「睇一睇『夫妻宮』完全係合，所以佢哋的確溝通到，本身真係有愛意。第二，吳千語雖然屬金，但佢個火好旺，林峯係需要多啲火，所以喺命理角度，千語BB的確旺佢，佢哋『夫妻宮』又合，又旺佢，你話林峯唔鍾意佢都奇怪啦！」既然兩個好似打風都打唔甩，幾時拉埋天窗？想繼續聽師傅點講，就要Click入《東網巨星》的「視娛樂」睇《玄學星相》！
【http://goo.gl/6HjdwO】
文：專案組