陳妙瑛為籌款被炸傷今生無悔
前藝人陳妙瑛昨日現身公開活動，艷光不減當年，她稱近年要好好調理身體，因為10多年前為慈善作爆炸演出而留下後遺症，周身骨痛至今，雖然七節頸椎都生了骨刺，但仍無悔當年決定！
久未露面的陳妙瑛昨日出席化妝髮型大賽開幕及頒獎禮，以綠色連身裙上陣的她微露事業線，狀態大勇，同場的「熟」女羅霖及琦琦分別穿上單肩連身裙與透視jumpsuit，打扮性感。
陳妙瑛表示其化妝髮型學校是今次活動的籌委，代表公司獲得全亞洲最佳化妝髮型學校企業大獎。生意瓣數多多的她稱近年公司已上軌道，可放手交給同事處理，自己有更多時間享受生活及調理身體。
羅霖遊日險被車撞
問到身體是否出現問題？陳妙瑛坦言：「我好多年前幫無綫做慈善節目，入面有爆炸表演，炸完之後周身痛，當時節目入面用o左200磅嘅炸藥，炸出2000磅嘅力，我戴o左耳塞，所以耳膜冇事，但o的骨就內傷，成日周身痛，近兩年頸椎有七節都有骨刺。我醫o左幾年，最近開始搵到方法治療，可以o係一年內根治，主要靠中醫同拉筋。」她指當年公司曾建議她穿泳衣捉八爪魚表演，但她拒絕，因想挑戰更高難度演出，雖然令身體留下後遺症至今，但依然無悔。
同場的羅霖透露剛與兒子遊日本返港，做他們的「三陪女郎」，又指在日本期間因忙着用手機回覆公事，過馬路時險被車撞倒。
文：名人組