敏之停工趕造人

無綫節目《Sunday好戲王》前晚錄影，主持陳敏之透露還有四集煞科，她將會休息，希望將來開續集！問到是否要努力「造人」？她說：「一直都做緊！之後會休息，準備吓人生大計，會飲湯水進補，我哋兩公婆隨緣，但呢個係一個好時間。（有咗BB？）未！如果公布得會話畀大家知，希望有好消息！（驚BB小器？）要啲時間，到時話畀大家知，希望得！（所以今日唔着高踭鞋？）唔係，之前整親條腰！」而嘉賓「人妻」陳自瑤以露臍裝晒22吋纖腰Fit到漏：「每日會拉筋，有時間就去做運動。（老公王浩信Fit，所以你都要Fit啲？）做呢行要Keep。（老公讚Fit？）佢成日鼓勵我，叫我練埋腹肌，佢都操緊，下套劇要騷肌。（介唔介意老公畀人睇？）佢拍劇淨係着底褲都試過，唔介意。（再生B？）隨緣，大家都好忙。」